Землетрясение - (FULL)

«Cinema Concept Production»-ը Սպիտակի ավերիչ երկրաշարժ մասին հայ-ռուսական համատեղ ֆիլմ է նկարահանվում: «11:41» Ֆիլմի բյուջեն կազմում է 2,5 մլն դոլար:

Նկարահանումները մեկնարկել են այս տարվա դեկտեմբերին:

Ֆիլմում կնկարահանվեն այնպիսի դերասաններ, ինչպիսին են Արմեն Ջիգարխանյանը, Եվգենի Սիդիխինը, Ալեք Շահբազյանը, Մկրտիչ Արզումանյանը, Չուլպան Համատովան, Սոս Ջանիբեկյանը և Ռաֆայել Քոթանջյանը: Էկրաններին ֆիլմը հայտնվելու է 2015 թվականի դեկտեմբերի 7-ին:

11.41 - Leninakan 1988 December 7

Ֆիլմում նկարահանվելու են դերասաններ Արմեն Ջիգարխանյանը, Մկրտիչ Արզումանյանը, Ռաֆայել Քոթանջյանը, Սոս Ջանիբեկյանը և մի շարք ռուս դերասաններ:

11:41 Ֆիլմի ժանրը – խաղարկային, հոգեբանական, դրամա, պատմություն Հայկական ԽՍՀ 1988 թ. դեկտեմբերի 7՝ առավոտյան ժամը 11 անց 41 րոպե 22,7 վրկ Քաղաք Լենինական՝ գողտրիկ քաղաք,որի բնակիչները ապրում են սովորական խաղաղ կյանքի ռիթմին ու պայմաններին հարիր ռեժիմով: Ոչինչ չէր նախանշում այն ողբերգությունը, որը սահմանագծեց հայ ժողովրդի կյանքը «առաջ» և «հետո». Այդ օրը անսովոր ու տարօրինակ տաք էր: Ու թվում էր ,թե երկինքը ինքն է տաքացնում քաղաքը:Ողբերգությունից քիչ առաջ թռչունները կարծես թե մղվում էին դեպի գետին,տնային կենդանիների պահվածքը նույնպես մտահոգիչ էր, իսկ ինքը`քաղաքը, մի տեսակ անշարժացել էր ահագնացող լռության մեջ: Առավոտյան ուղիղ 11 անց 41 րոպե 22,7 վրկ սկսվեց դժոխքը:Ռիխտերի սանդղակով տասը մագնիտուտ հզորությամբ, մեկ րոպեից էլ քիչ տևողությամբ ավերիչ երկրաշարժը գրեթե ամբողջությամբ կործանեց ու ամայացրեց Հայաստանի հյուսիսային մասը: Լենինականի բնակելի թաղամասերի մոտ ութսուն տոկոսը մեկ ակնթարթում վերածվեցին ավերակների: Իսկ բնակիչները` մոտ երկու հարյուր հազար մարդ ,հայտնվեցին բետոնյա ծանր սալերի ու խավարի թագավորությունում: Շատերի համար եթե մահը ակնթարթային չէր ,ապա այն գալիս էր հետո:Հազարավոր մարդիկ մահանում էին ծանր բետունակույտերի տակ երկարատև սեղմված վիճակից,արյան կորստից,ծարավից, ցրտից, վախից , խեղդվում էին փոշուց ու անորոշությունից: Տոննաներ կշռող բետոնի ծանր սալերի տակ մնացած,տանջված սակայն կենդանության նշաններ ցույց տվող լենինականցիներին թվում էր, թե կռիվ է սկսվել, թե եկել է աշխարհի վերջը, և միայն իրենք են մնացել կենդանի և ոչ ոք այլևս իրենց չի գտնի:Սարսափի սարսուռն էր տարածվել մշտապես ժպտացող քաղաքի վրա: Ամենուր լսվում էր օգնության կանչ,հառաչանք,տնքոց, մղկտոց,լաց ու կոծ: